VIGAN CITY- Top 3 iti Licensure Examination for Dentist ni Dr. Francisco Beleno Beria, Jr. a taga Abra a nagserbi kas volunteer ti doctor-dentist ti Bombo Medico 2017 idi domingo.
Saan a ninamnama ni Dr. Beria a magun-od na ti maikatlo a kangatuan a nakaruar iti eksaminasyon nupay kinuna na nga inbukbok na amin a panawen a nag-review.
Ni Dr. Beria ket taga-Bagnued, Abra, nagturpos a Cum Laude idiay Centro Escolar University- Manila , anak ti maysa a dental technician a nangiduron kenkuana a mangala iti kinadenstista imbes nga abogasya nga inarapaap na idi ubing.
Makumikom ni Dr. Beria iti panangipatakder na iti klinika na tapno matulungan dagiti agkasapulan iti serbisyo na.
Inkari na pay kadagiti sumar-saruno a Bombo Medico ti Bombo Radio Philippines ket namnamaen iti pannakitinnulong na.
