VIGAN CITY– Maikadua a pwesto, dayta iti gutgutuguten ti Region 12 (SOCCSKSARGEN) iti Palarong Pambansa 2018 a maisayangkat ditoy probinsiya manipud April 15 agingga April 21.
Segun kenni Principal Nida Balaba ti South Cotabato Division, nu idi napalabas a tawen iti Palarong Pambansa idiay Antique ket maikalima da iti over-all medal tally, kayat da nga ita a tawen ket iti maikadua iti pagpuwestoan da .
Kinunana, nainget iti panagsanay dagiti atleta isu a dakkel iti panagtalek da nga ita a tawen ket ngumato iti ranking da.
Maysa ti SOCCSKSARGEN region kadagiti nakasangpeten iti advance party na ditoy probinsiya agsipud ta idiay Vigan Central School ket addan dagiti advance party ti Region IX wennu Zamboanga Peninsula iti panangidaulo ni Regional Director Dr. Isabelita Borres.
