VIGAN CITY – Maysa a Top 10 Priority Target Regional level, High value individual drug personality ken PDEA Target listed drug personality iti salinong ti Coplan “Green Goblin” iti nakemmeg idiay Brgy. San Isidro, Candon City.
Ti naiwayatan ti search warrant ket ni Albien Molina Bitao, agtawen ti duapulo ket dua, baro, awanan ti trabaho nga agnaed iti nasao a lugar gapu iti panaglabsing ti Republic Act 9165.
Babaen ti panagtitinnulong dagiti pannakabagi ti linteg, naisayangkat ti Search Warrant babaen ti bileg nga inruar ni Hon. Judge Gina Juan-Chua, Judeg iti RTC Branch 71 a napetsaan idi January 14, 2022 isu a nakemmeg ti suspek.
Naala kenkuana iti maysa a dakkel a zip lock transparent plastic sachet a naglaon iti napagango a bulong ti marijuana, dua a bassit a brown envelop a naglaon iti napagango a marijuana ken buds, maysa a plastic tampered case a naglaon iti napagango a bulong ti marijuana ken buds, maysa a stainless food warmer a naglaon iti napagango a bulong ti marijuana ken buds nga agdagsen ti nasurok kumurang tallopulo a gramo nga aggatad iti pito a ribo a pisos, tallo a piraso iti disposable lighter ken maysa a unit iti cellphone nga agmaris iti sky blue.
