VIGAN CITY- Natay ni Robert Puruganan Bueza, agtawen ti 41, awanan ti trabaho, baro ken taga Manueva ,Santa ta mapapati a limmaban kadagiti otoridad a nangibanag ti warrant of arrest na iti kaso a robbery ken homicide a naiparuar idi June 15, 2012 babaen kenni Honorable Sixto Diompoc ti Regional Trial Court (BTC) Branch 72 ti Narvacan.
Maibasar iti inisyal a report , idi nadlaw ti suspek nga addan dagiti pulis ket nagkamang iti pagtaengan da Clarita Bueza ket immasot ti paltog ngem inunanaanen dagiti otoridad a pinaltugan a puon ti nakatayanna.
Nagsagrap ni Bueza ti uppat a tama ti paltog iti nadumaduma a paset ti bagi na isu a naitaray idiay Ilocos Sur Provincial Hospital – Gabriela Silang ngem natay.
Naala iti nakapasamakan ti krimen ti maysa a caliber 45 a paltog a mapapati a kukua ti biktima ,dwa a kapsula ti caliber 5.56 mm ,maysa a bullet jacket, maysa a magazine ti caliber 45 ken innem a bala ti caliber 45.
Naammuan a ni Bueza ket top1 most wanted person idiay ili ti Santa.
