VIGAN CITY – Nakemmeg ti top 1 notorious drug pusher iti naiwayat nga anti illegal drug operation idiay Brgy. Ayusan, Sta. Lucia.
Ti pannaki-uman ti Bombo Radyo Vigan ken ni P/Capt. Leonilo Ancheta, hepe ti Sta. Lucia Municipal Police Station, ti suspek ket ni Michael Pimentel, agtawen ti tallo pulo ket pito, agnaed idiay Brgy. Bao-as, Sta. Lucia, dati a drug surrenderee a nabayagen a sinipsiputan dagiti kameng ti linteg iti nasao a lugar iti iligal nga aramid na.
Nakagatang dagiti pulis kenkuana ti innem a transparent heat-sealed sachet iti shabu ken naala pay manipud kenkuana ti maysa a sachet ti shabu nga aggatad ti dua ribo lima gasut a pisos, lima gasut a pisos a buy bust money.
Agsipud iti dayta, maisagsaganan iti kaso a maipila kontra ti suspek nga ikot tatta dagiti kameng ti Sta. Lucia PNP.
