Nakemmeg ti Top 1 most wanted person municipal level gapu ti panaglabsing ti RA 10591 idiay Barangay Libang ili ti Cervantes.
Ti suspek ket agtawen ti limapulo ket siam, naasawaan, mannalon ken residente ti nadakamat nga ili.
Nakemmeg ti suspek babaen ti bileg ti warrant of arrest iti kaso a frustrated murder nga adda nairekomendar a piyansa na nga P120, 000.
Naala manipud iti suspek ti ikot na nga shotgun nga adda kaatiddogna a tallopulo ket siam pulgada , loaded ti tallo a bala, ken buneng nga adda baina-na nga innem a pulgada ti kaatiddogna.
Ti suspek ket dumalan iti medical examination bayat nga addan iti kustodiya ti Cervantes Municipal Police Station dagiti naala nga ikot.
Kabayatanna, maisagsagana metten dagiti dokumento para ti panangipila ti kaso kontra ti suspek.
