Nakemmegen ni Tony Yang wenno Yang Jian Xin a kabsat ni dati a Presidential Economic Adviser Michael Yang.
Babaen kadagiti kameng ti Pasay City Police ket nakemmegda ni Yang bayat ti panangiserbida ti warrant of arrest gapu iti falsification of public document, perjury ken panaglabsing iti panagaramat ti aliases.
Ti warrant of arrest na ket inruar ni Hon. Eleuteria Apdian Badoles-Algodon a Presiding Judge iti Supreme Court, Municipal Trial Court in Cities, 10th Judicial Region, Branch 2, Cagayan de Oro City a napetsaan idi November 22, 2024 ken narekomendaran ti pyansa a P36,000 para ti falsification of public document; P18,000 para ti Perjury; ken P30,000 para itipanaglabsingna ti C.A. No. 142 kas naamyendaran iti Republic Act No. 6085 wenno An Act to Regulate the use of Aliases.
Maipalagip nga idi October 2024, impila ti National Bureau of Investigation ti sangapulo ket innem a reklamo iti falsification of public documents, perjury ken panaglabsing ti Anti-Alias Law kontra ken ni Yang Jian Xin wenno Tony Yang a kabsat ti dati a presidential economic adviser Michael Yang.
Dagiti reklamo ket naipila kalpasan a naduktalan ti NBI ti mapapati a panagaramat ni Yang iti agduduma nga alyas tapno maiyetnag ken mairehistro iti agduduma a korporasyon iti Securities and Exchange Commission idiay Cagayan de Oro City.
