--Ads--
Imbasura ti Timor-Leste ti motion for reconsideration nga impila ti kampo ni dati a Negros Oriental Rep Arnolfo Teves Jr tapno baliktaden ti extradition ti pulitiko.
Segun ken ni Justice Secretary Jesus Crispin Remulla, ti pannakaibasura ti mosyon ni Teves ket napintas nga addang ta ipasimudaagna ti pannakaipakat ti hustisia.
Ni Teves ket sumangsango iti murder charges gapu iti mapapati a panangpapatayna idi 2023 ken ni dati a Negros Oriental Governor Roel Degamo.
Adda itan iti kustodia ti Timor Leste police ti napatakyas a kongresista manipud idi Marso kasaruno ti pannakatiliw kenkuana basar iti International Criminal Police Organization red notice a naiparuar kontra kenkuana idi Pebrero.
-- ADVERTISEMENT --
