Pakaragsakan ti Malakanyang ti panangidiaya ti tulong ti Philippine Coast Guard (PCG) kadagiti tripulante a naglugan kadagiti barko ti China Coast Guard ken People’s Liberation Army Navy, a nagdinnungpar bayat ti panggepda a lapdan ti misyon ti PCG vessels idiay Bajo de Masinloc.
Segun ken ni Palace Press Officer Claire Castro, pagsarmingan dayta iti posisyon ni Pres. Ferdinand Marcos Jr. a saan a mangrugi iti riri iti Pilipinas ken agtultuloy nga idalan ti nakappia a wagas iti panangsolbar iti isyu idiay West Philippine Sea (WPS).
Kabayatanna, ipaiman ti Malakanyang iti Department of Foreign Affairs (DFA) ti panagtignay iti nasao nga insidente.
Irespeto pay iti gobierno ti sarita ti Chinese Foreign Ministry uray pay baliktadenda iti pudno a napasamak iti kabaybayan.
