Nakabalud itan ti gold legend a ni Tiger Woods kalpasan a nakemmeg gapu iti mapapati a panagmaneho bayat a naka-inom iti nasanger.
Segun ken ni Martin County Sheriff John Budensiek, agmanmaneho iti Range Rover-na iti agtawen iti limapulo a ni Wood manipod Jupiter Island, Florida idi liniklikanna iti maysa a truck.
Gapu iti insidente ket bimmaliktad ti lugan ni Woods.
Apaman a nakasangpet dagiti polis ket napansinda iti senyales a nabartek ni Woods.
Nakitintinulong met iti imbestigasyon ni Woods ngem nagkedked dayta a dumalan iti urine test tapno maammoan no naka-inom.
Saan met a rimmuar iti breathanalyzer test a nakainom iti arak ni Woods ngem impatangkenna a saan a dumalan iti urine test.
No kas bilang mapaneknekan a naka-inom iti arak bayat iti panagmanehona ket sumango kadagiti kaso a driving under the influence, property damage ken refusal to submit lawful test.
