--Ads--
Maisayangkat inton bigat ti “UMUNA A BINNAT”, maysa a thanksgiving para iti baro a Balikutsa season idiay Barangay Maynganay Norte, Sta. Maria, Ilocos Sur.
Iti pannaki-uman ti Bombo Radyo Vigan ken ni Michael Escobar, Tourism Officer iti Sta. Maria Local Government Unit, tinawenton a maaramid ti aktibidad babaen iti bileg ti ordinansa.
Gagemna daytoy nga ikkan iti gundaway dagiti aglaklako a makasapul ken makatulong iti industriya ti sinam-it.
Innayon ni Escobar a nasapsapa koma pay ti pannakaisayangkat ti aktibidad no saan laeng a nagbagyo kadagiti naglabas nga aldaw, ket ita nga amihan season, impasiguradona nga agtultuloyen ti panagluto iti balikutsa.
-- ADVERTISEMENT --
