Naallukoy dagiti empleado ken gagangay nga umili idiay Thailand nga agkawes iti nangisit wenno dagiti dark color kas panangipakita iti pannakipagladingit iti ipupusay ni Queen Mother Sirikit.
Iti pannaki-uman ti Bombo Radyo Vigan ken ni Bombo International News Correspondent Jovi Seludo, no met kasapulan ti agisuot iti uniporme ket naibalakad a mausar latta ti black ribbon kas panangipakita iti panagdayawda iti pimmusay a reyna.
Aramidenda daytoy nga addang iti las ud ti 90 nga aldaw ken maysa tawen met ti naituding a panagladingit kas nakairuaman idiay Thailand no adda matay a reyna wenno ari.
Innayonna a naka-half mast ita ti nasao a pagilian ken naliday ti aglawlaw.
Iti agdama, awan pay ti nadakamat mainaig iti public viewing ngem kinuna ni Seludo a maiparadanto ti bangkayna nga isu met ti gundaway dagiti tao nga agparintumeng.
Ni Mother Sirikit ket nalatak gapu kadagiti programana a mangtultulong kadagiti mannalon wenno mangmangged tapno maital-o ti produktoda iti intero a pagilian.
