Kinumpirmaran ti National Bureau of Investigation ken ni Atty. Ferdinand Topacio, maysa kadagiti abogado ni dati a Cong. Arnolfo Teves Jr., a sumango manen iti korte ni Teves para iti arraignment inton Martes, June 10 iti alas dos iti malem idiay Manila Regional Trial Court Branch 51.
Daytoy ket mainaig iti 10 counts of murder, 13 counts of frustrated murder ken 4 counts of attempted murder.
Segun ken ni Topacio, maysa kadagiti sangwen nga arraignment ti kliyentena ti mainaig iti kaso a panangpapatay ken ni Negros Oriental Govermor Roel Degamo ken dadduma pay idi 2023.
Maipalagip nga idi kalman ket naiserrek ti not guilty plea ti presiding judge ti Manila RTC kalpasan ti panangul-ulimek ni Teves iti kaso nga illegal possession of firearms and explosives.
