--Ads--
Pinalubosan ti Manila Regional Trial Court Branch 30 ti petision a makapiansa ni dati a Negros Oriental Rep Arnolfo Teves Jr mainaig iti mapapati a panangpapatayna ken ni Pacito Libro nidi June 2019.
Iti 27 a panid a resolusyon ti korte, nailatangan iti P500,000 a pians ani Teves.
Sag-P250,000 met ti piansana para kadagiti padana nga akusado a da Richard Cuadra ken ni Rolando Pinili.
Maibasar iti decision ti korte, saan a napaneknekan ti prosekusion a natibker ti ebidensia kontra kadagiti akusado.
-- ADVERTISEMENT --
Nupay kasta ket saanna pay laeng kayat a sawen a mawayawayaanen ni Teves ta adda pay maysa a kaso a sangsangwenna.
