Nakasangpeten ni dati a Negros Oriental representative Arnolfo ‘Arnie’ Teves iti Building 14 ti New Bilibid Prison idiay Muntinlupa City.
Ni Teves, ti mapapati a mastermind iti pannakapapatay ni dati a Negros Oriental governor Roel Degamo, ket naipan iti detention facility ti National Bureau of Investigation iti NBP kalpasan iti press conference iti NBI headquarters idiay Manila kadua ti abogadona a ni Atty. Ferdinand Topacio.
Nailugan ni Teves iti bulletproof SUV.
Segun ken ni NBI Director James Santiago, mayakar ni Teves iti Bureau of Corrections facility ta ti NBI keta wan ti detention facility na iti opisinana idiay Manila.
Kabayatanna, kiniddaw ni Teves iti korte nga alistwanda ti proseso ti kasona ita a nakasublin iti pagilian ta mamati nga agbalin a naalisto ken ingunamgunamna a nadalus ti konsensyana.
Nakasubli ni Teves ditoy pagilian kalpasan ti panangideport kenkuana dagiti otoridad idiay Timor-Leste a nagkiddawanna iti asylum.
