Nagpanawagan ti Office of the United Nations High Commissioner for Human Rights para iti proteksyon dagiti testigo kalpasan a makemmeg ni dati a Presidente Rodrigo Duterte para iti kaso a crimes against humanity iti International Criminal Court para iti extrajudicial killings a napasamak iti panawen ti terminona.
Segun ken ni Spokesperson Ravina Shamdasani, ikkanda importansya ti panangsalwad kadagiti biktima ken witness ken liklikanda ti ania man a reprisal ken retributions.
Bigbigenna ti kinapateg iti pannakasalwad ti pamilia dagiti apektado a nangitured a manggun-od iti hustisia iti las ud ti mano a tawen.
No bilang a maibalud ti dati a presidente iti Detention Center iti The Hague, Netherlands, mangisayangkat ti Pre-Trial Chamber iti panagdengngeg tapno kumpirmaran ti pakabigbigan dagiti suspek, siguradoen a maawatanda ti reklamo kontra kadakuada ken mangituding iti petsa tapno rugian ti ‘confirmation of charges hearing’
Segun iti ICC, amin a detainees ket adda karbenganna nga agapply paraiti interim release uray no adda naituding a trial.
