VIGAN CITY – No man pay inikkanen ti Food and Drug Administration ti Certificate of Exemption dagiti testing kits nga inaramid ti University of the Philippines – National Institute of Health para ti coronavirus disease 2019, masapul nga aprubaran pay umuna ti World Health Organization sakbay a maaramat kadagiti pasyente a posible nga apektado ti COVID- 19.
Dayta iti ingunam-gunam ni dati a Health Secretary ken agdama a House Deputy Minority Leader -Iloilo Representative Janette Garin iti interview kenkuana ti Bombo Radyo Vigan.
Mamati ni Garin nga inaprubaran lattan ti FDA dagiti nasao a kit uray saan pay a sigurado nu natalged nga usaren wennu saan agsipud ta ammo da nga agkurang ti test kits ditoy pagilian.
Innayon na a libre nga iteted ti WHO dagiti testing kit a mausar nu la ketdi maipaka-ammo kadakuada.
