VIGAN CITY – Adda dagiti naikeddeng a Testing And Quarantine Protocols para kadagiti Intenational Passenger nga agsangpet manipud iti intero a Ports of Entry ti pagilian.
Dagiti Fully Vaccinated a naggapo iti Green list countries ket masapol nga insigida a maidalan ti facility-based quarantine ket maidalan ti RT-PCR test apagsangpet agingga a rumuar iti negatibo a resultana.
No met ti negative RT-PCR Test ket naala iti uneg ti 72 nga oras sakbay ti biahe manipud iti naggapuanna a pagilian, masapol nga imonitor ti bagi agingga iti sangapulo ket uppat nga aldaw.
Kadagiti saan pay nabakunaan ken partially vaccinated a naggapo iti Green list countries ket masapol a dumalan iti 14 day quarantine ket maidalan iti RT-PCR test iti maikalima nga aldaw ken agself monitor agingga maikasangapulo ket uppat nga aldaw.
Kadagti aggapo iti Yellow list Countries, dagiti fully vaccinated ket masapol a dumalan ti facility-based quarantine agingga a rumuar iti negatibo a resulta a naala iti maikalima nga aldaw a panagquarantine-da ket maituloy nga Ag-Home quarantine agingga iti maikasangpuloda nga aldaw.
Para kadagiti saan pay nakabakunaan wenno Partially vaccinated a naggapo ti Yellow list countries, maidalan ti facility based quarantine ket maidalan ti RT-PCr test iti maikapitoda nga aldaw agingga rumuar ti negatibo a resulta sad a ituloy nga aghome quarantine agingga maikasangapulo ket uppat nga aldaw.
Para kadagiti amin a fully vaccinated, unvaccinated ken Partially vaccinated a naggapo iti Red List countries, dumalanda iti 14day quarantine kalpasan ti isasangpetda ket kasapulan nga agtalinaedda ti quarantine facility agingga iti maika-sangapulo nga aldaw tapno maobserbaran ket iti nabatbati nga aldaw ket mabalinen a dumalan ti home quarantine kadagiti destinasyonda nga ili, RT PCR testing ket maidalan kadakuaa iti maika-pito nga aldaw malaksid pay iti negatibo a resulta ti tewst nga iggemda a simmangpet ditoy pagilian.
