Natalek ti Malakanyang a saan a maipan iti korte dagiti agbaliw-baliw a testimonya iti 18 Maleta Boys a nanginagan kadagiti opisyal iti gobierno iti flood control scam.
Segun ken ni Palace Press Officer Atty. Claire Castro, basura dagiti testimonya iti 18 Maleta Boys isu a saan a maitakder iti korte gapu iti pabaliw-baliw a saritada kontra kadagiti mairamraman iti iskandalo.
Immunan nga inraman ti 18 Maleta Boys ni Senador Loren Legarda iti akusasyonda ngem idi Lunes ket imbabawida ta mapapati a nagkamalida laeng.
Kinuna ni Castro a saan a makapasa iti nainget a panagadal iti korte ti testimonya iti 18 nga indibidual ta saanda a consistent iti sungbatda kadagiti saludsod.
Binabalawa pay isuda no apay nga agsarsarita ken isuda iti mangak-ako dagiti saludsod inmbes a dagiti naakusaran a kliyente-da.
