Impaganetget ti maysa nga abogado a nalawag ken nakapap-papati ti testimonya ti prosecution witness a ni Commission on Audit auditor Roderick Wamil iti impeachment trial idi kalman.
Iti pannaki-uman ti Bombo Radyo Vigan ken ni Atty. Dino De Leon, napateg ti nagbalin a testimonia ti COA auditor, a nasurok maysa dekadan a mangisaysayangkat iti audit iti confidential funds ti nadumaduma nga ahensia ti gobierno.
Pinasingkedan ti testigo nga iti uneg ti sangapulo ket maysa a tawennan iti serbisio iti COA ket saan pay pulos a nag-audit iti confidential funds ti Department of Education.
Innayon ti nasao nga abogado nga intudo ti auditor dagiti mapapati nga iregularidad iti panagaramat iti confidential funds, agraman ti panaggastos para iti agas, a segun kenkuana ket saan a mayataday iti gagem ti nasao a pondo.
Impaganetgetna pay a ti confidential funds ket saan a discretionary funds, isu a kasapulan a maaramat laeng daytoy basar iti agdama a pagannurotan ken naituding a pakaibanagan ti pondo.
