Mabalin a kissayan ti prosekusion dagiti testigo a sumango iti impeachment trial ni Vice President Sara Duterte wenno ti kaadu dagiti ebidensia a maipasango iti korte.
Ti addang ket tapno maipaalisto ti proseso ti impeachment trial ken tapno maliklikan ti atiddog ken awan kaipapananna a diskusion ti korte, segun ken ni Rep. Joel Chua.
Iti Article I wenno ti saan a husto a pannakaaramat iti Confidential Funds ti OVP ken Deped, adda nakasagana a 13 a testigo, ngem mabalin nga agpatingga laeng iti walo wenno siam ti maisango iti korte.
Segun ke nni Chua, saan a kumapsot ti kaso gapauanan ti napigsa nga ebidensiya a naipasa iti korte.
Innayonna pay a 2/3 laeng a botos ti Senado ti kasapulan iti maysa nga artikulo ti impeachment tapno makonbiktaran ti maysa nga impeachable official.
Manamnama met nga agparang iti Senado inton sumaruno a lawas dagiti state auditor a nangsukimat iti pannakaaramat iti P612.5 million confidential funds idi 2022 ken 2023.
