Simmango ita a Day 27 ti impeachment trial ni Vice President Sara Duterte dagiti dadduma nga opisial ti Securities and Exchange Commission (SEC).
Simmango ti testigo ti prosecution a ni SEC Company Registration and Monitoring Department Director Gerardo del Rosario tapno i-authenticate dagiti negosio a naideklara iti SALN nga adda interes ni VP Sara ken ti asawana a ni Atty. Manases Carpio.
Saan met nga impasango ti prosecution team ni Civil Service Asst. Commissioner Ariel Ronquillo tapno tumestigo iti panagsagana ken filing ti SALNs ti bise.
Inlawlawag ni Rep. Terry Ridon a makanay dagiti immunan a testimonia mainaig iti SALN ni retired Sandiganbayan Presiding Justice Amparo Cabotaje-Tang ken ni Ombudsman Central Records Division Officer-in-Charge Atty. Karen Batu.
Innayon ni Ridon a ti saanda a panangipasango kadagiti dadduma a testigo ket tapno dardaras ti impeachment proceedings.
