VIGAN CITY – Sagsaganaanen ti Technical Education and Skills Development Authority Region 1 ti isasalida iti 2024 Philippine National Skills Competition a maisayangkat inton Agosto idiay World Trade Center Metro Manila.
Ti kompetisyon ket pagbibinnalubalan dagiti sangapulo ket pito a rehion iti pagilian.
Iti pannaki-uman ti Bombo Radyo Vigan ken ni TESDA Region 1 Director Joel Pilotin, walo manipud kadagiti duapulo ket lima a competing areas ti pakisalian ti rehion kas iti benneg ti welding, electrical installation, cooking, restaurant service, hairdressing, beauty therapy, fashion technology, ken graphic design technolohy.
Innayonna a napintas daytoy a gundaway tapno maipakita ti laing ken sirib dagiti skilled workers iti nadumaduma a benneg.
Addanto met ti cash prizes a maited kadagiti mangabak a mapilinto a makipaset iti international competition a maangay idiay Lyon, France.
