VIGAN CITY – Duapulo ket pito a barangay iti probinsia nga adda iti salinong ti NTF-ELCAC ken Poverty Reduction Livelihood Employment Cluster ti target a pangiyuswatan ti TESDA-Ilocos Sur iti nadumaduma a training programs.
Kangrunaan a lugar a mabenepisyaran iti nasao a programa ti 2nd District iti probinsia ta isu ti pannakasentro ti PRLEC.
Segun ken ni TESDA-Ilocos Sur Provincial Director Joel Pilotin, masapul a maserbianen dagiti barangay ta addan nailatang a pondo tapno maidiayan dagiti programa kadagiti kangrunaan a benepisyaryo a kas dagiti surrendered rebel a kayatda a maaddaan iti naan-anay a skills.
Kasapulan laengen ti pannakikinnammayet kadagiti barangay captain ken mayor nga akin-sakup kadagiti napili a lugar a pakaisayangkatan ti training program.
Kabayatanna, iti panagsubli ni Provincial Director Pilot ket gagemna a maidiaya dagiti scholarship program para kadagiti agindeg iti probinsia.
Malaksid dayta, namnamaen ti opisial a maituloy dagiti ganuat ti TESDA iti sumaruno nga administrasyon agsipud ta patien met ni incoming president Ferdinand “Bongbong” Marcos Jr. a napintas dagiti programa nga agpaay kadagiti umili.