--Ads--
Inawagan ni Terry Ridon nga “irrelevant” ti panangiwaragawag ni Vice President Sara Duterte iti planona a panagtaray iti kinapresidente inton 2028 gapu iti agtultuloy nga impeachment proceedings kontra kenkuana iti kamara.
Segun ken ni Ridon, ti impeachment ket nakapokus iti pammabasul mainaig kadagiti mapapati a naaramid ni Duterte iti naglabas, idinto a ti panagtarayna iti 2028 ket maysa a “forward-looking” a patangan.
Kabayatanna, rinugyanen ti kamara ti pormal a panangiproseso kadagiti 4 nga impeachment complaint ken ti panangbigbig no daytoy ket sufficient in form and substance.
Inyunay-unay met ni Duterte nga awan ti pakainaigan ti planona a panagtaray iti 2028 iti maisaysayangkat nga impeachment process.
-- ADVERTISEMENT --
