VIGAN CITY- Adalen ti kamara ti posibilidad a mapaatiddog ti termino dagiti agdama nga opisyal ti gobierno tapno maisanud ti midterm election inton umay a tawen tapno matutukan ti Kongreso ti Charter Change a mangsukat ti sistema ti gobierno iti pederelismo.
Ti pannakiuman ti Bombo Radyo Vigan kenni Deputy Speaker Cebu 3rd district Rep. Gwendolyn Garcia, nalawag iti pagtaktakderan ni House Speaker Pantaleon Alvarez a ti panangisanud ti panagpipili ti praktikal nga addang ngem saan da a dardarasen iti panagadal iti term extension ta dumalan iti nainget a deliberasyon nangruna ket sibibiag ti demokrasya idiay kamara ta denggen ni Alvarez ti pagtaktakderan dagiti amin nga agpanpanday linteg.
Patien ti deputy speaker a ti no-election scenario ti kapintasan a gundaway tapno matratar ken maipatungpal ti charter change ta napigsa ti suporta ti supermajority iti adbokasiya ni Presidente Rodrigo Duterte a pagbalinen a pederalismo ti sistema ti gobierno manipud iti agdama a unitary government kasta pay a ti charter change ti kapatgan a trabaho ti 17th congress isu a rumbeng a matutukan .
Innayonna nga agserbi met a karit para iti Kamara ti resulta ti naudi a survey nga innem a pulo ket dwa a porsyento kadagiti umili ti kontra iti federal system,tapno paingeten iti panangipaay ti impormasyon kadagiti umili inaig ti pagsayaatan nga ipaay ti pederalismo .
