--Ads--
VIGAN CITY- Kiniddaw ti League of Mayors of the Philippines- Ilocos Sur Chapter ken ni Police Senior Superintendent Clint Bayacsan, provincial director ti Ilocos Sur Police Provincial Office a maikkan iti dua a police escort dagiti mayor tapnu saan da nga agamak gapu iti pannakapapatay da Mayor Antonio Halili ti Tanauan City, Batangas kenni Mayor Ferdinand Bote ti General Tinio, Nueva Ecija.
Segun ken ni Sta. Cruz Mayor Virgilio Valle a presidente ti liga, kasapulan nga agpakada da pay iti National Headquarters ti PNP idiay Camp Crame tapno maaddaan ti maysa a police escort iti kada mayor ngem nabayag ti proseso na isu a kabayatan nga iyur-uray da ket kayat da a maikkan da ti temporary escort tapno natalged da.
