VIGAN CITY – Adayon iti nangitarayan ti Team Philippines kadagiti sabali a pagilian nu medal tally ti 30th Southeast Asian Games iti pagpapatangan.
Maibasar ti partial ken unofficial medal tally ti Bombo Radyo Philippines iti agtultuloy a regional biennial meet, nakaalan ti Team Philippines ti lima pulo ket innem a balitok a medalya; uppat a pulo ket maysa a silver, ken duwa pulo ket duwa a bronze medal a pakabuklan ti sangagasut sangapulo ket siyam a medalya.
Maikadwa a pwesto ti Vietnam a nakaala ti duwa pulo ket pito a gold medal, tallo pulo ket duwa a silver medal, tallo pulo ket uppat a bronze medal wenno pakabuklan a siyam a pulo ket tallo a medalya.
Ti defending over-all champion a Malaysia ket maikatlo iti listaan a nakaala ti duwa pulo ket maysa a gold medal, sangapulo ket duwa a silver medal, duwa pulo ket duwa a bronze medal wenno pakabuklan a lima pulo ket lima a medalya.
