VIGAN CITY – Agtaltalinaed iti umuna a puwesto ti Pilipinas iti partial and unofficial medal tally iti agtultuloy a Southeast Asian Games ta pakabuklan a sangagasut ket uppat a pulo a medalya iti naala dan- innem a pulo ket tallo a balitok a medalya; uppat a pulo ket lima a silver ken tallo pulo ket dua a bronze medal.
Maikadua met ti Vietnam a nakaala ti tallo pulo ket maysa a balitok a medalya, tallo pulo ket lima a silver ken uppat a pulo ket maysa a bronze medal wennu pakabuklan ti sangagasut ket pito.
Ti defending champion a Malaysia ket natnag iti maikalima a puwesto agsipud ta ngimmato ti Indonesia nga isun iti maikatlo iti listaan babaen ti dua pulo ket pito a balitok a medalya, tallo pulo ket innem a silver ken tallo pulo ket siyam a bronze medal a naala da a sarunwen ti Singapore a nakaala ti dua pulo ket innem a balitok a medalya, sangapulo ket walo a silver ken dua pulo ket siyam a bronze.
Ti Malaysia ket dua pulo ket tallo a balitok a medalya iti naala da, pakairamanan ti sangapulo ket innem a silver ken dua pulo ket uppat a bronze.
