VIGAN CITY- Nakasaganan ti Team Ilocosr Sur para ti maisayangkat a Region 1 Athletic Association (R1AA) meet inton March 3-8 idiay Laoag City, Ilocos Norte.
Segun ken ni Joe Bueno, sports chief ti Department of Education- Ilocos Sur Division, dakkel iti naitulong ti intensive training dagiti atleta ta naisagana da a naimbag kadagiti naduma-duma nga ay-ayam da isu a natalek da a napintas to ti performance dagiti atleta ti probinsiya a makibinnalubal kadagiti atleta a naggapu iti naduma-duma a pagadalan ti elementarya ken high school ditoy Region 1.
Ita nga aldaw ket isu iti maudi a pannakaummong dagiti amin nga atleta, pakairamanan dagiti coaches idiay Quirino Stadium para iti final instruction ket inton February 28 ket isu iti pannakaiwaras dagiti uniform da sakbay a mapan da idiay Ilocos Norte.
