--Ads--
Nagpanawagan ti Teachers’ Dignity Coalition iti Department of Education nga imbestigaran dagiti damag a mailaklako dagiti posisyon iti panagisuro ken administratibo iti pampubliko a pagadalan kasukat ti kuarta.
Segun ken ni TDC National Chairperson Benjo Basas, dagiti trabaho iti gobierno ket nasken a magun-od babaen iti merito, saan a magatang.
Inallukoy ni Basas ti DepEd nga imbestigaran nga insigida uray awan ti pormal a reklamo tapno magun-od ti talek ti publiko.
Inkari ti TDC nga ituloyda ti mangiduron iti hiring system a nakabasar iti merito ken pannakitinnulong iti DepEd tapno malabanan ti korapsyon.
-- ADVERTISEMENT --
