Imbilinen ni Transportation Secretary Vince Dizon ti revocation ti lisensya ti maysa a taxi driver ken ti prangkisa ti operator-na kalpasan a nag-viral ti panagkiddaw ti driver ti P1,260 a plete manipod NAIA Terminal 3 nga agturong iti Terminal 2 nga adda lang iti kaadayo nga 8.4 kilometer.
Segun ken ni Dizon, insigidana nga imbilin iti Land Transportation Franchising and Regulatory Board (LTFRB) ken Land Transportation Office (LTO) a kanselaren ti lisensya ti driver ken prangkisa ti operator.
Kinunana nga ammo ti operator ti inaramid ti driver ken adun iti dagiti report mainaig iti kasta met laeng nga insidente.
Naammoan a ti taxi ket nakarehistro ti maysa a Taxi Hub Transport.
Segun kadakuada, saan a mapalubosan dagiti driver da nga agkontrata iti mammaminsan a bayad.
Binalakadan ni Dizon iti publiko nga agreport kadagiti kas ti nasao nga insidente ken nairekomendar ti panagaramat kadagiti Transport Network Vehicle Services wenno ride-hailing apps tapno maliklikan iti kas ti nasao a pananglokloko.
