Pinawaywayan ti Bureau of Internal Revenue ti deadline iti panagbayad ti buwis dagiti taxpayer a nakaro a naapektaran iti habagat ken technical issues iti eBIRForms.
Iti salinong ti BIR Revenue Memorandum Circular No. 95-2026, ti deadline ti panagbayad iti busiw ket nayatiddug agingga Agosto 18 manipud iti dati a deadline nga Agosto 10.
Karaman ditoy ti napili a tax filing, payment, remittance, registration, ken dadduma pay a submission requirements.
Segun ken ni BIR Commissioner Charlito Martin Mendoza, gagem ti addang ti ahensia a maikkan iti naan-anay nga oras dagiti apektado a taxpayer nga agbayad nga awan mueltana.
Kagiddan dayta, binilin ti BIR dagiti otorisado nga agent bank nga immawat kadagiti sakup a tax return ken mabayadan agingga iti deadline.
