VIGAN CITY – Numan pay agpannuray iti buteng dagiti taga-Myanmar iti Covid19 ket inkapilitan latta ti panagisayangkatda iti protestda tapno yebkas ti suportada iti dati nga administrasyon ni Aung San Suu Kyi ken panangkiddawda iti pannakawayawayana.
Iti pannaki-uman ti Bombo Radyo Vigan Bombo ken ni International Correspondent Hein Thet Aung a taga-Myanmar, tallo nga aldawen a rinibo ti agprotprotesta kas panangsuportarda iti gobierno ti Myanmar isu a makita ti adu a tattao iti kalsada ken arigna awanen ti nasurot a health protocol.
Dayta ket gapu ti napasamak a kudeta wenno ti panangituray dagiti militar iti nasao a pagilian ken nakaigapuan ti pannakaibalud dagiti political leaders.
Iti agdama ket naka-house arrest dagiti government official ti Myanmar kagiddan iti panangnamnamada a maisubli ti dati nga administrasyon ta saanda kayat ti agbiag iti salinong dagiti militar a mangidadaulo ita iti nasao a pagilian.
