VIGAN CITY – Immadu ti kaso ti COVID19 iti pagilyan ti Austria a ti kangrunaan a nakaptan ti nasao a virus ket dagiti saan a nabakunaan kontra ti COVID19.
Iti pannaki-uman ti Bombo Radyo Vigan kenni Maureen Amado, maysa a healthcare worker ti nasao a pagilyan, basar ti rekord nakita dagiti eksperto ti salun-at a kadduan kadagiti baro a kaso ket saan a natudukan ti bakuna ken dadduma kadakauda ket matamtaming ti ospital.
Saan da a ninamnama ti kellaat a panagpangato ti kaso ti nasao a virus a manipod ti sangaribo walo gasut a kaso ket umaboten ti sangapulo ket maysa a ribo a pasiente.
Innayon ni Amano a ti pakabuklan a 8.9 milyon a papolasyonda ket umaboten ti uppat a pulo ket uppat a posiento ti nabakunaanen ken idi kalman ado a tattao ti nagturong kadagiti vaccination site ta ipatungpalda ti nasao a pagannurutan kadagiti awan ti bakunana.
