VIGAN CITY – Inlawlawag ni Dr. Roland Zara, Ilocos Sur Covid19 Specialist a no ti maysa a tao nagpositibo iti rapid antigen test ngem negatibo iti RT-PCR test ket masapul a makompletona latta ti 14-day quarantine.
Segun ken ni Dr. Zara, masapul nga iti uneg ti sangapulo ket aldaw ket awanen ti marikna a sintomas ti pasyente ken awanen ti gurigorna iti uneg ti tallo nga aldaw sakbay nga agdesisyon ti local government unit a palubosan ida manipud iti quarantine facility.
Datin a sangapulo nga aldaw ti panag-quarantine ti pasyente gapu ta isu ti incubation period ta no awan ti napaliiw a sintomas iti las ud iti dua a lawas ket mabalin a saanda a nakaptan iti Covid19.
Immunan a naibilin a no fully vaccinated ket mabalin ti pito nga aldaw laengen a panag-quarantine ngem gapu ti Delta variant ket nasaysayaat no suroten ti nataltalged a wagas tapno saan a maisagmak ti sabali pay a tao.
