Tattao a naglabsing ti curfew hours idiay Candon City, makasoan

VIGAN CITY – Makasoan ken ag-muelta dagiti naglabsing iti curfew hour a naipatungpal kagiddan iti enhanced community quarantine idiay Brgy. San Antonio, Candon City.

Dagiti suspek ket da Adonis Peralta, agtawen ti sangapulo ket walo kenni Febie John Peralta Comilang, agtawen ti dua pulo nga agpada nga agnaed idiay Brgy. San Isidro.

Nakita dagiti dua nga agpagna-pagna iti kalsada uray nu nadanunen ti oras a masapul nga adda da kuman kadagiti pagtaengan da.

Kabayatanna, idiay Brgy. Sto. Tomas, Candon City ket nakemmeg da Reynaldo Garringo Ballocanag, agtawen ti tallo apulo ket siam, maysa a tricycle driver ng agnaed idiay Brgy. Rubio, Galimuyod kenni Jeffrey Galinato Mangay-ayam, agtawen ti duapulo ket lima nga agnaed idiay Brgy. Amguid, Candon City ta naglabsing da ti curfew hours a naiyetnag.