Nagpalagip ti administrator iti Jardin de Caridad Park iti siudad ti Vigan kadagiti agturong iti nasao a kamposanto no ania dagiti maiparit nga itugot.
Segun ken ni Gladys Baysac, maiparit ti agitugot iti arak, patadem, napigsa a musika ken panagpipinnukkaw kas panangrespeto kadagiti natay.
Saanen a maipalubos ti umyan ngem mabalin nga agpaot dagiti bumisita iti agingga alas dose iti tengnga ti rabii.
Kas paset met iti panangpaliiw iti All Saint’s Day ita nga aldaw, adda met naaramid a Trick or Treat ken Halloween games itay alas dos iti malem nga agpatingga iti syete ti rabii.
Kiniddawna met ti anus ken disiplina kadagiti bumisita kadagiti tanem iti pimmusay nga ay-ayatenda iti biag ta manamnama iti kinaadu ti lugan ken tao.
First come, first served basis met iti panagparking ken adda dagiti personnel a maideploy para kadagiti parking area a mangkita iti annayas dagiti agsangpet a lugan.
