VIGAN CITY- Baente kuatro oras ti panagcheckpoint ti “Task Force Bantay Kalsada” a mangtiliw kadagiti motorista nga aglabsing kadagiti linteg trapiko.
Kagiddan iti dayta ket binilin ni Governor Ryan Singson dagiti nadeputized a PNP members kas transportation regulation officers a pagtalinaeden ti nadalus a nagan ti kapulisan ditoy probinsiya isu a saan da a rumbeng nga usaren ti posisyon da tapno agdawat ti kuarta kadagiti motorista ta awan ti bumaknang babaen laeng ken nakasagana ti provincial government a mangited ti tulong pinansyal para kadagiti agkasapulan ti kuarta isu a saan dan a kasapulan nga agaramid ti iligal.
Inpanamnama ti gobernador a saan na a baybay-an dagiti deputized officers isu a no adda dagiti napapangas a motorista a mangbutbuteng kadakuada ket ipakaammo da laeng kenkuana tapno makasuan .
