VIGAN CITY – Nasurok uppat a pulo ket maysa a ribo a pisos iti kurang a kwarta a sungsungbatan ni Ryan Pardo iti napasamak a Viva Vigan Endurance Challenge a nakipasetan dagiti ado a rider manipod ti Ilocos Sur ken Ilocos Norte kas pinasingkedan ti organizer manipod ti Ilocos Norte a ni Pipo Pebenito.
Iti pannaki-uman ti Bombo Radyo Vigan kenni Pebenito, organizer ti nasao nga aktibidad manipod Ilocos Norte, rimmuar iti naisayangkat a taripnongda nga agkurang ti nasurok uppat a pulo ket maysa a ribo a pisos ni Pardo babaen iti naisayangkat nga audit.
Maikkan ti dua nga aldaw ni Pardo tapno maisubli iti nasao a gatad a mapukpukaw ken rimmuar pay iti nasao a taripnong nga adda dagiti resibo a saan nga usto iti nakaikabil nga aldawna ta saan pay a nabukel ti paayayam ket adda iti resibonan.
Naimatangan ti maysa a representative manipod ti Vigan City Government iti nasao a taripnong idi kalman.
