Mabalin a malabsan ti COMELEC ti target da a tallo a milion a baro a nairehistro a botante para iti 2028 National and Local Elections kalpasan a nakairekord iti dandani 80,000 nga aplikasion iti umuna a dua nga aldaw ti panag rehistro dagiti botante a nangrugi idi Nobiembre 10.
Segun ken ni COMELEC Chairman George Erwin Garcia, nangatngato daytoy no idilig iti 20,000 a nagrehistro iti umuna a dua nga aldaw ti panagrehistro idi Agosto 2025. Maipalagip pay ti panagakar dagiti agtutubo nga agtawen iti 17 ken 18 a kayat da ti agbotos iti sumaruno nga eleksion.
Kabayatanna, sumagmamano kadagiti rason ti atiddog a linya kadagiti registration sites ket ti panagkasapulan dagiti estudiante iti voter certification kas requirement iti eskuela da. Gapu iti daytoy, nakiuman ti COMELEC kadagiti pagadalan tapno mapa atiddog ti deadline-da.
Agtultuloy ti panag rehistro dagiti botante agingga iti July 30, 2027, nga addaan ti panggep a mangnayon iti tallo a milion a botante ken madanon ti dagup a 74 a milion a rehistrado a botante sakbay ti eleksion 2028.
