--Ads--
Imbaba ti gobierno ti target a koleksion ti buwis ita a tawen iti P4.44 trillion manipud iti dati a P4.5 trillion.
Nakissayan pay ti target ti Bureau of Internal Revenue iti P3.39 trillion, idinto nga impangato met ti Bureau of Customs ti target iti P1.011 trillion.
Segun kadagiti economic manager, naaramid dagiti panagbalbaliw tapno mayannatup iti agdama a sasaaden ti ekonomia iti uneg ken ruar ti pagilian.
Kabayatanna, nakasagana ti gobierno nga isingasing manen ti pannakaipasardeng ti excise tax kadagiti sumagmamano a produkto petrolyo no lumabes iti $80 kada bariles ti presio ti Dubai crude oil.
-- ADVERTISEMENT --
