VIGAN CITY – Mabalin nga ideposito dagiti mannalon a naapektaran iti phreatic eruption ti Taal volcano dagiti taraken da nga ayup a kas kinumpirmaran ni Agriculture Secretary William Dar.
Ti pannaki-uman ti Bombo Radyo Vigan ken ni Dar, nangilatang ti Agriculture Credit Policy Council ti sangapulo a milyon a pisos a pangbayad da kadagiti mannalon a mangideposito kadagiti taraken da.
Mabayadan dagiti mannalon nga agideposito kadagiti taraken da ti ΒΌ wennu kagudwa iti original price ti taraken da.
Mabalin to met laeng a maala dagiti mannalon dagiti taraken nga indeposito da nu agsublin iti normal a sitwasyon iti lugar da.
Dagiti maideposito nga ayup ket mataripato idiay Taal Livestock Care Emergency Operations Center idiay Southern Tagalog Integrated Agriculture Research Center idiay Lipa City tapnu maisubli iti normal a kondisyon da nangruna dagiti kimmuttongen ta saan da a nakakaan a nasayaat ta nabati da idi nag-evacuate dagiti akin-kukua kadakuada idi pimmutok ti bulkan.
