VIGAN CITY – Tallopulo ket maysa nga improvised polyvinyl pyrotechnic devices (Boga) ti nai-surrender manipud iti nadumaduma nga ili iti probinsiya.
Dayta ket babaen ti naballigi a kampania kontra iti illegal firecrackers iti Ilocos Sur, ken ti intensified effort, dagiti police stations, barangay officials, BPATS, ken dadduma pay a community partners, a panggepna a siguraduen ti natalged ken awan iti madangaran.
Dagiti ili a nakai-surrender ti illegal firecrackers ket ti Sta. Lucia, Candon City, Sta.Cruz, Santa, Cervantes, ken siudad ti Vigan
Dua a piraso ti Boga iti insuko ni Barangay Kagawad Cesarito Cabigting, iti Sta. Lucia Municipal Police Station; dua met iti insuko da Barangay Kagawad Angelito Carlos ken Barangay Tanod Larry Diligen iti Candon City Police Station; sangapulo ket maysa iti insuko ni ABC President Walter Abaco Juldo iti Sta. Cruz Municipal Police Station; sangapulo a piraso ti insuko ni ABC President ken Barangay Captain Genaro Cacho ti Santa Police Station; lima a piraso ti insuko ti Barangay Tanod a ni Jay Camasura Gumban iti Cervantes Police Station; ken maysa ti insuko ni Bibito Macabugwas iti Vigan City Police Station.
Dagiti naisuko a BOGA ket adda itan iti kustodiya dagiti agduduma a police station para iti proper disposal.
