VIGAN CITY – Naawat ti Cabugao District iti sangagasut a porisento nga approval manipud iti Regional Office 1 para ti expansion ti limited face-to-face classes a marugian inton Lunes, March 21.
Babaen ti pannakakompleto dagiti amin a kasapulan para iti Safety Seal Certification iti Department of the Interior and Local Government, ti School Safety Assessment Tool ti Department of Education, ken ti health and safety protocols ti Department of Health ket mapalubosan nga ag-face to face modality dagiti duapulo ket innem nga elementary schools ken uppat a secondary schools.
Dagiti tallopulo a public schools iti nasao nga ili ket karaman kadagiti 469 a pagadalan iti Schools Division of Ilocos Sur a mangisayangkat iti face-to-face classes.
Sakbay ti panagrugina inton Lunes, maaramid met ita nga aldaw ti simulation classes tapno ad-addanton a nakasagana dagiti agad-adal, mangisursuro, ken dagiti stakeholder a karaman.
