VIGAN CITY – Tallo a pasamak ti aksidente ti naimaldit ditoy probinsia iti kaaldawan ti Biernes Santo.
Iti ili ti Brgy. Guimud Norte, San Juan, natukbob ti Toyota FJ Cruiser ti White Government Mini Bus iti nga agpada nga agpapa-abagatan a direksiyon, idin ta ti maysa a kotse iti sango ti Mini Bus ket nagsardeng isunga nagsardeng met iti mini bus, ket natukbob ti sumarsaruno a Toyota ti Mini bus.
Gapu dayta, ti rear bumper ken rear door ti Mini bus ket nagasgasan, idinto ti Toyota ket nagasgasan ti front bumper na.
Nabigbig ti nagmaneho ti Government Mini Bus, a ni Quintin Pe Benito Del Castillo Jr., agtawen ti duapulo ket lima, residente ti Capangdanan, Bantay, idinto iti nagmaneho ti Toyata FJ Cruiser ket ni Edmund Andres Escalante, agtawen ti tallopulo ket walo, ken residente ti 37-B Umbel St Roxas District Quezon City.
Awan iti nadunor iti napasamak nga insidente, ken iti agdama addan ti Mini bus ken ti nagmaneho iti kustodia ti San Juan Police Station para ti proper disposition.
Idiay met Barangay Sta.Cruz, Sinait, liniklikan ti Black Honda TMX 155 a minaneho ni Albert Sahagun Agustin, agtawen ti uppat a pulo ket pito, residente ti Brgy. 40 Buyon, Bacarra, Ilocos Norte, iti barikada ti Animal Quarantine Checkpoint ti nasao nga ili, ket nasagidna ti kotse a Jade Metallic Toyota Vios a minaneho ni Kukoof Layugan Valdez, agtawen ti tallopulo ket dua, residente ti 4 Marcos Banna, Espiritu, Ilocos Norte a nagresultaan ti pannaka-ikkat ti kannagid a side mirror ti kotse.
Agpada a naipan dagditi lugan ken driver ti Sinait Police Station para ti proper disposition.
Kabayatanna, idiay met National Highway, Barangay San Jose, Candon City, aksidente a natukbob ti Kia Grandbird Truck Bus iti makinlikud a paset ti Ford Ecosport Wagon, a nagresulta ti pannakadadael ti makinlikud a paset iti SUV (ford), idinto iti Truck Bus ket nadadael met iti makinsango a pasetna.
Agpada nga agturong dagiti lugan iti amianan a direksiyon, idin ta nagpreno gapu iti traffic congestion, a gapuanan ti aksidente.
Nabigbig ti nagmaneho iti SUV a ni Avegail Pante Tampilic, agtawen ti duapulo ket siyam, residente ti B16 L29 Greengate Homes Phase3 Malagasang II-A, Imus Cavite, idinto ti nagmaneho iti Truck Bus ket ni Florante Arguilla Gregorio, agtawen ti limapulo ket tallo, ken residente ti 137 JV St. Magsaysay, Castillejos Zambales.
Saan met a naan-anu dagiti driver ken pasaheroda.
