VIGAN CITY – Dead on arrival idiay Ilocos Sur District Hospital- Narvacan dagiti tallo nga agkakarruba idiay Barangay San Antonio, Narvacan a nalmes iti karayan ta napan da nagala ti kappo.
Segun ken ni Police Major Rogelio Miedes, hepe ti Narvacan municipal police station, dagiti biktima ket isu da Muhammad Aladdin Doro kenni Ibrahim Abdulmajud nga agpada nga agtawen iti innem ken ti ikit ni Ibrahim a ni Samiah Camba nga agtawen iti dua pulo ket lima.
Posible a saan nga ammo dagiti dua nga ubbing a lallaki nga adalem a paset iti karayan ti napan da nagpidutan ti kappo isu a nalmes da ket idi napan ida tinulungan ni Samiah, saan na met nga ammo iti aglangoy isu a nairaman met a nalmes.
Insigida a nagpaarayat dagiti kakabagyan ken gagayyem dagiti biktima idi makita dan a malmalmes da isu a naitaray da iti ospital ngem natay da.
