VIGAN CITY – Panaglabsing iti Republic Act 9165 wenno Comprehensive Dangerous Drugs Act of 2002 ti sangwen dagiti tallo a lallaki a natiliw iti buy-bust operation iti bakante a lote ti Del Pilar Street, Brgy VIII, Vigan City.
Nabigbig dagiti suspek a da Gerald Paulo Mon Pablico, agtawen iti duapulo ket maysa, Romeo Dela Balles Llanes, agtawen iti duapulo ken ni Reynaldo Puzon Pataray, agtawen iti duapulo ket tallo nga agpapada a taga-Brgy III ken agilaklako iti marijuana.
Segun ken ni PLt. David Dulnuan, drug surrenderee ti maysa kadagiti suspek idinto a ti maysa pay ket adda iti drug watchlist ngem nagsublida iti iligal nga aramid.
Naala kadakuada ti dua a piraso ti bassit a transparent plastic sachet ti bulog ti marijuana nga ikotda, maysa a piraso ti lima gasut a pisos, maysa a cellphone, sigarilyo, narolyo a papel a naglaon iti bulong ti marijuana a nagserbi a buy bust item ken maysa a rolled foil.
Sangapulo ket lima ti kadagsen dagiti naala kadakuada a marijuana nga aggatad iti PHP1800.
