VIGAN CITY – Tallo a search warrant operation iti inwayat dagiti nagtitipon a kameng ti Sto. Domingo PNP ken Ilocos Sur Police Provincial Office kontra kadagiti agikikot ti paltog.
Immuna a naiwayat ti operasyon idiay Brgy. Quimmarayan no sadino nakemmeg ni Moises Cabotaje ta naala manipod ti pagtaenganna ti maysa a homdemade caliber 22 awan serial numberna ken adda iti tallo a balana.
Simmaruno ti operasyon idiay Brgy. Naglaoa-an no sadino nakemmeg ni Pepito Palapos agtawen tallo pulo ket walo ken naala manipod kenkuana ti maysa a homdemade gauge 12 wenno buckshot nga adda dua a balana, maysa a Philcolt Cal. 22 airgun.
Naudi ti operasyon kontra kenni Pablito Talania agtawen innem a pulo ket tallo idiay Brgy .Naglaoa-an ket naala manipod pagtaenganna ti maysa a caliber 38 revolver nga adda Serial No. 116977 nga adda markingsna a Colt special Cal. 38 nga awan balana.
Ti agdama maisagsaganan dagiti kaso a sangwen dagiti nakemmeg a suspek a nainaig iti panagikot iti paltog.
