VIGAN CITY – Inwayat dagiti kameng ti Narvacan Municipal Police Station ti operasyon kontra kadagiti agsusugal idiay Brgy. Abuor, Narvacan.
Nabigbig dagiti nakemmeg a da Clarita Domingo agtawen tallo pulo ket pito, Susan Ramos agtawen uppat a pulo ket pito, Jovelyn Peralta agtawen tlalo pulo ket uppat ken nakalibas ni alyas Metong Soria agpapada nga agnaed iti nasao a barangay.
Basar ti report manipod Narvacan Municipal Police Station, babaen iti nagtitipon a kameng ti PNP kinemmegda dagiti tallo nga agayayam ti Majhong iti kasamekan ket naala kadakuada ti sangagasut siam a pulo ket siam a pisos a kwarta ken maysa a set ti mahjong tiles ken dadduma a gambling paraphernalia.
Ti agdama maisagsaganan ti kaso kontra kadagiti suspek pakairamanan ti nakalibas a ni Metong.
